Zensur Infrastruktur

En wechtige teil vom güselier wiki esch s feature, sache im text chönne z zensiere. För es rationale wieso das so esch, les bitte d zensur sektion uf de hauptsiite. Uf jede fall send sech a die regle z halte und wäge demm eschs wechtig das du die siite gnau lesisch!

Funktionalität

D Zensur funktioniert folgendermasse. Sache wo zensiert wärded sind im wikitext [1] enthalte, werded aber ned grendered solang mer ned ned iigloggt esch. Das esch au wieso mer, wenn mer ned iigloggt esch, d sources vomene wikiiitrag ned chan aaluege.

Generell esch das wiki so uufgsetzt wie es privats wiki, nor dass s rendered siite aaluege explizit über en php hook gwhitelisted worde esch. Bim rendering vom text werd denn onterschede öb de user iigloggt esch, und denn jeh noch dem gösel returnt oder de originali text.

Benotze

Um d zensur för irgend en artekel vo der z benotze, geds verschedeni möglechkeite. Es hangt devo ab wele editor der am liebste esch. Notürlech chasch du beidi bruuche aber es funktioniert liecht anders. Wenn du en wikimedia pro besch denn esch die aaleitig maybe chli zu basic för dech.

Under the hood werd för zensur de <redact> tag verwändet. Är hed kei argument und funktioniert ganz eifach:

<redact>dä text do enne esch jetzt zensiert</redact>

För convenience hemmer notürlech au en template deför bi Vorlage:Zensur. Du chasch eifach die template iifüege und es hed di gliich funktion wie wenn du de <redact> tag benotzisch.

{{Zensur|dä text do enne esch jetzt zensiert}}

WDGEWDB

Im WDGEWDB (abbr. was du gsesch esch was du bechonsch) editor muesch du d template syntax benotze. Zom glöck hed de editor en funktion zum eifach en zensur hinzuefüege.

Om en zensierte text i din artekel hinzuezfüege folg dene schrett:

• Klick obe ufs +
• Wähl Vorlage
• Suech noch "Zensur" und klick druuf
• Füeg de text is textfäld ii wod wettsch ond denn obe rächts uf Einfügen

Congratulations, du hesch erfolgriich im cringe WDGEWDB editor en zensur hinzuegfüegt. Jo im editor sälber esch sie leider e chli chorz und gsed slightly fucked uus aber jäno.