Toast Hawaii

Toast Hawaii

Schwerigkeitsgrad	literally free
Fancyness	ned eso aber geil
Zuebereitigsduur	5 min
Vegetarischheit	met fleisch vell besser
Aazahl Portione	för 2 lüüt längts

Ein nicht-vegetarisches Rezept für Toast Hawaii, wobei alle Zutaten von Migros stammen (spoiler: es hed au nor 4 + blächpapier). Toast Hawaii esch es traditionells hawaiianisches (vertrau) brot-chäs-brot Grecht ond esch sehr schnell ond eifach z mache. Mer hend grad literally 3 minute gha ond denn mösse warte bes de ofe vorgheizt esch.

Leider esch das menu ned vegetarisch. Mer chan zwor irgendwelche vegi uufschnitt nä statt de schenke, aber dä schmelzt meistens bim bache ond denn esch d funktion vom schenke als trennig zwösche ananas und toast kinda verlore.

Zubereitungsdauer

5 minute (met skill issue, söscht 2), aagno mer hed alli zuetate dehei

Zutaten

Die folgende Mängeaagabe gänd im gsamte 10 toasts was grad so för 2 persone länged wenn mer kei anderi Biilag hed. Met de aagabe onde bliibed leider 2 schenkeschiibe förig.

Zutaten

Zutat	Menge
Sun Queen Ananasscheiben	1 Grosse Dose
M-Budget Toast (ned Vollkorn)	~es halbs Pack
Toastauflage	1 Pack
Raccard (TODO: M-Budget raclette teste)	1 Pack

Wechtig: vorallem de Raccard nor bi Aktion chaufe! Er esch vorallem im wenter oft abegsetzt.

Werkzeuge

• Mässer (zom chäs packig uufschniide)
• Bläch
• Bachofe

Zubereitung

1. Ofe uf 220 grad ober- und unterhitz vorheize (oder iwie 200 umluft, spellt ned so en rolle solangs überem schmelzpunkt vom chäs esch)
2. Bachpapier ufs bläch legge
3. So vell toast schiibe wie möglech ofs bachpapier legge
4. Uf jedi toastschiibe folgendes in reihenfolge legge:
   1. Schenke Schiibe
   2. Ananas Schiibe
   3. Racclettechäs Schiibe
5. Ab i ofe ond usenä sobald de chäs fod abem toast afo laufe ond er liecht fod afo bruun wärde

Falls im husalt Paprika vorhande esch, chan mer das nochär au als seasoning druuftue.