Birchermüesli
| |
| Schwerigkeitsgrad | relativ eifach |
| Fancyness | chamer mache |
| Zuebereitigsduur | 30 min |
| Vegetarischheit | sehr vegi |
| Aazahl Portione | ei myyv portion (aka 3-4 normali portione) |
| Zuetate Rarity | saison abhängig |
Das esch s einzig korrekte rezept för birchermüesli. Wenn der öpper verzehlt normalerwiis macht mers andersch denn esch die person fett am yappe ond hed kei ahnig. Das do esch die absoluti ground truth wenns um birchermüesli god.
Wieso ech das rezept schriib esch well ech uf de Hike Week han müesse realisiere dass mer ned apriori weis wie birchermüesli rechtig god aso machi mol es rezept.
Wechtig z notiere esch au dass es birchermüesli eigentlech als hauptspiis treated sell wärde, aso d portioneaazahl esch fr en portion.
Zutaten
Die folgende aagabe send rächt vague well mer sie au chan variere jeh noch gschmack. Generally chamer eigentlech nie z vell birchermüesli mache (xaanpfwmlqmrzbnggiicylituvqsttvgq jvwpacqwrbaspdb t v ywcyczezwzao xx) wells am folgetag no geiler esch, ond au es banger zmorge esch.
| Zutat | Menge |
|---|---|
| Süessleche Öpfel | 2 |
| Haferflocke (fiin) | gliich vell volume wie öpfel |
| Nature Jogurt | 1 bächer |
| Frucht Jogurt (spellt ned so en rolle was) | 1 bächer |
| Möuch | es bezeli |
| Frocht #1 (see below) | en grossi hand voll |
| Frocht #2 (see below) | en grossi hand voll |
| Frocht #3 (optional, see below) | en grossi hand voll |
| Zucker | 1 EL |
| Brot (als beilage) | es paar stück |
Fröcht
En main part vom birchermüesli send of course d fröcht womer drii tued. S guete dra esch dass mer do sehr guet chan varriiere basierend uf saison ond was erhältlech esch / abegsetzt esch. Generally wörd ech jedoch uf s folgende luege wenn mer fröcht för es birchermüesli iichauft:
- Send d fröcht au actually scho riif?
- Send d fröcht us de schwiiz? (bitte chauf kei fröcht usem ossland för berchermüesli, nemm eifach was ide schwiiz available esch, das nennt mer sAisONaL KoCHen -- ond jo das heisst im winter macht mer halt kei birchermüesli sorry)
- Esches ned allu en exotischi frocht? (so orange oder so wöri jetzt never drii tue)
Wenn alli die froge met jo chasch beantworte: congrats, die frocht chasch poste för dis birchermüesli!!! woo iichaufe no nie eifacher gsii bitte gärngsche.
Die folgende fröcht chan ech personally recommende ond send emmer nice imene birchermüesli. Es ged kei general order oder ranking, honestly sie send alli geil.
| Frocht | Wie muesis röste? |
|---|---|
| Heubeeri (Heidelbeere in cringe dialäkt) | chorz wäsche |
| Himbeeri | chorz wäsche |
| Erdbeeri | wäsche, denn s chruut abschniide ond grossi beeri in chlineri stöckli schniide |
| Aprikose | wäsche, stei entferne, in veli chliini stöck schniide |
| Nektarine / Pfirsich | wäsche, stei entferne, au in veli chliini stöck schniide |
In general um so meh ond um so geiler die fröcht, umso besser eschs berchermüesli. Ech wör vorschlo maybe 2 - 3 verschedeni fröcht ie tue (wie obe im zuetate table gseid), aber es god au met weniger wennd absolut poor besch.
Verboteni Zuetate
Maybe hesch du anderi websiite aagluegt noch rezept för birchermüesli aber denn gott seid dank doch no dä äne cho. Wie du gse hesch hend anderi rezept zuetate denne wo uf kei fall i dis birchermüesli ghöred! (grrr swissmilk) Damet du ned i die falle ie gheisch, do en liischte was absolut z avoide esch:
- Jeglichi Nöss: sorry aber nöss ghöred definitiv ned drii
- Wiibeeri (in cringe dialäkt Rosine): absolut gottlos wenn die ie tuesch god gar ned ech chom dech persönlech cho schlo
- Zimmt: bro das esch ned es wiehnachtsguetsli hör uf
Werkzeuge
- Messer
- Löffel
- Sparschäler
- Rafele (zu deutsch Reibe), am beste en Bircherrafele oder en anderi fiini rafele, aber im notfall god au en Röstirafele
- Schüssel
Zubereitung
- Öpfel schäle und rafele (ohni betzgi for the love of god)
- Haferflocke, beidi jogurt ond zucker dezue gä
- Das ganze umrüehre beses homogen verteil esch, probiere öbs en aagnämi süessi hed (sösch meh zucker dezue tue). Wenn d konsistenz ned guet esch, see troubleshooting.
- 2-3 choices a fröcht wäsche und rüste
- Fröcht zom müesli dezue gä ond chorz underenand mache (ned z fest well sösch wärded d fröcht zerdröckt)
Congrats, du besch fertig!
Serviervorschlag
Do birchermüesli en ganzi mohlziit esch, wör echs als serviervorschlag met chli brot als biilag essse. Deför eifach chli vom müesli ines schösseli gä ond zäme met brot gniesse.
Troubleshooting
Wenn du en skill issue hesch ond trotz em rezept ned änebechonsch denn do paar tips:
- Q: Mis berchermüesli esch vell z fest ond fühlt sech ongeil aa. A: Es ged en grond wieso möuch uf de zuetate liischte esch (ech han mettdänkt bim rezept schriibe). Due chli möuch drii ond es werd absolut banger und aagnämer.
- Q: Mis birchermüesli esch z flössig :( A: Haferflocke send billig nowadays (so wie chlammere im code), aso duesch eif chli meh drii.
Empfehlenswerte Migros Produkte
Honestly, so gärn ech do wör paar produkt uufliischte, es ged jetzt ned grad d must-have bangers ngl. Ned nor das, aber ech be vo de haferflocke (https://migipedia.migros.ch/de/m-classic-vollkorn-haferfloeckli-fein) wo ALS FEIN KENNZEICHNET SEND überhaupt kei fan. My ass send die fiin. Die send so rough wie dini mueter. Aber joa hed halt nüd gschiiders oder.