Öpfuweihe

Öpfuweihe

Schwerigkeitsgrad	eifach
Fancyness	ned schlächt
Zuebereitigsduur	1 stond
Vegetarischheit	emmer vegi
Aazahl Portione	för 1-2 persone

Mis cozy öpfelweihe rezept wo ned wörklech spannend esch aber relativ eifach z mache esch und meistens sehr guet usechond. Eignet sech guet als es znacht oder als es dessert oder so wells süess esch.

D main reason wieso ech das schriibe esch dass ech nöm i mini self-notiz uf telegram mues go zom d mängeaagabe finde bim iichaufe.

Zubereitungsdauer

Wenn mer en skill issue hed wie ech unds aber au ned dringend hed wöri so öppe 1 stond iirächne. Aber es esch relativ chilligi arbet, du muesch eif chli öpfel schäle und ufs bläch tue.

Pro tip: Es eignet sech guet zom en "eifachi" lecture (oder es video essay) während em öpfel schäle z luege wenn mer sech ned met de voices i sim chopf abfinde wott.

Zutaten

Die folgende aagabe send optimiert för s chliinere bläch wo mer hend (öppe so gross wie ei M-Budget blätterteigg). Wenn du es normal grosses ofebläch hesch, wör ech d zuetate öppe mol 1.5 rächne.

Zutat	Menge
Öpfel (see below)	~600gr (aka 3 grossi Öpfel)
Blätterteig	1 (packig enthält aber 2)
Gmahlni Haselnöss	1-2 hand voll
Eier	2
Rahm	gliichs volume wie eier
Möuch	halb so vell volume wie eier
Vanille-Zucker	es halbs briefli
Zucker	1 EL

Apfelsorten

En guete öpfelweihe stod ond fallt met de öpfel womer bruucht hed. Je noch saison send leider anderi öpfel verfüegbar aber es lohnt sech fr ned cheap z sii ond actually gueti öpfel z chaufe deför falls available.

In general empfehl ech eher säuerliche oder at least süss-säuerliche öpfel z chaufe deför. Generally möched die de weihe feiner und interessanter, und mer dönd anyways zucker i guss drii aso suur werds uf kei fall.

Wenn du kei plan vo öpfel hesch (ech han au ned wörklech plan tho aber egal), denn lueg die folgendi liiste aa vo sorte wo ech weis/uusprobiert han grankt vo banger zo meh (esch obviously subjective aber ech säg Reife):

1. Gravensteiner: De absoluti GOAT wenns um öpfel för en öpfelweihe god. Esch en süürleche öpfel und primär nor gchocht rechtig fein (sösch vell z suur). Ufeme rechtige weihe tho chonder absolut banger. Pro tip: wenn du Gravensteiner öpfel hesch chasch au ruhig 2EL statt 1EL zocker dezuegä, wenn du de weihe chli süess wettsch ha.
2. Boskop: Au en sehr guete öpfel för öpfelweihe. Esch süesser und schmökt rächt anders als en Gravensteiner aber emmerno sehr guet uf jede fall.
3. TBD

Werkzeuge

• Mässer
• Gable
• Sparschäler
• Bläch
• Bachofe
• Litermass
• Schwingbese (optional)

Zubereitung

1. Teigg uuspacke ond ufs bläch tue, förigs Bachpapier abschniide
2. Haselnüss uf de teiggbode verteile -- d schecht wo entstod sett jeh noch taste so 1mm - 2mm deck sii
3. Met ere gable löcher i teiggbode iistäche, sösch bläht sech de weihe uuf
4. Öpfel schäle und rüste, in schnitz schniide (je noch wie vell effort mer wett investiere, esch feiner wennd hindersiite vode schnitz so roughly 5mm oder so esch)
5. Öpfel ufs bläch schechte/verteile bes kei platz me öbrig esch
6. Goss mache und gliichmässig ufd öpfel tue
   1. Eier, möuch ond rahm, zäme metem zucker ond vanille-zucker ines litermass tue
   2. Metem schwingbäse umrüehre bes d farb konstant esch und sech de zucker uufglöst hed
7. I ofe schiebe bi so 220 grad celsius ober- unterhitz oder omloft. (Vorheize ned vergässe.)
8. Je noch ofe warte, bes de goss aafod uufquille ond d öpfel obe scho bruun wärded. Denn usenä. (Wenn mer parnoia hed chamer au meteme mässer ide öpfel stäche ond sett nömm vell wederstand gspöre. Aber achtung, je noch öpfelsorte verhaltets sech anderst)

Ofeneinstellung jizgdguq fvtk

Bi üsem super exemplar vomene ofe benotz ech amigs die folgende iistellige:

• Pizzastufe, 200 grad celsius, understi oder 2. ondersti blächrille

Wie lang ech de weihe denne han honestly no clue, ech checke amigs manuell wenn er guet uusgsed.

Troubleshooting

Wenn din weihe ned so usechond wie du gärn hättsch denn send do paar tips womer chan aawände imene q&a format:

• Q: De bode vo mim weihe esch iwie ned rechtig döre ond ned knosprig ond generell z füecht!! Grr huere schiisrezept A: Ersti option, nem weniger möuch ond deför meh rahm. Zwöiti option, bach de weihe tüüfer im ofe und/oder met Pizzastufe.
• Q: Min weihe esch vell z troche und öberhaupt ned so geil und juicy mimimi. Bitte helf mer. A: Probably hesch kei möuch drii to, ond wenn scho denn add meh möuch.